2026-жылдын 15-июнунда Испаниянын Мадрид шаарында Erasmus+ программасынын Cyber4CA долбоорунун алкагында профессордук-окутуучулук курам үчүн беш күндүк эл аралык тренинг өз ишин баштады. Иш-чара 15–19-июнь күндөрү Мадрид политехникалык университетинде өткөрүлөт.
Эл аралык тренингге долбоордун өнөктөштөрү, жогорку окуу жайларынын, мамлекеттик уюмдардын өкүлдөрү жана киберкоопсуздук тармагындагы эксперттер катышууда. Иш-чаранын негизги максаты — заманбап киберкоопсуздук билимин өнүктүрүү, алдыңкы педагогикалык тажрыйбалар менен алмашуу жана практикага багытталган билим берүү программаларын өркүндөтүү.
Тренингдин биринчи күнү расмий ачылыш аземи менен башталды. Анын жүрүшүндө Cyber4CA долбоорунун максаттары жана милдеттери, кызматташтыктын артыкчылыктуу багыттары, ошондой эле Борбордук Азияда киберкоопсуздук боюнча жогорку квалификациялуу адистерди даярдоо маселелери талкууланды.
Программанын алкагында Мадрид политехникалык университетинин киберкоопсуздук боюнча магистрдик программасы, окутуу методологиясы, билим берүү инфраструктурасы жана практикалык лабораториялык мүмкүнчүлүктөрү тааныштырылды. Ошондой эле катышуучулар университеттин билим берүү жана илимий-изилдөө ишмердигин колдогон заманбап лабораториялар жана техникалык ресурстар менен таанышышты.
Тренингдин жүрүшүндө IoT жана булут технологияларынын коопсуздугу, фишингдик коркунучтарды аныктоо, киберкоопсуздук боюнча окуу программаларын иштеп чыгуу, криптография, практикалык лабораториялык сабактарды уюштуруу жана CyberLab инфраструктурасын өнүктүрүү багыттары боюнча лекциялар, практикалык сабактар жана эксперттик талкуулар өткөрүлөт.
Бул эл аралык тренинг долбоордун өнөктөштөрүнүн ортосундагы академиялык кызматташтыкты бекемдөөгө, алдыңкы эл аралык тажрыйбаларды үйрөнүүгө жана киберкоопсуздук билимин заманбап санариптик эмгек рыногунун талаптарына ылайык өнүктүрүүгө өбөлгө түзөт.
Өткөрүлүүчү жери: Мадрид политехникалык ун
Жооп калтыруу